Ответить на комментарий

Борынгы татар телендә «тын чура» ул «сабыр кол, тыныч кол» мәгънәсендә кулланылган. Ләкин колларны, ягъни чуараларны азат иткәннәң соң да, алар баеп китсәләр дә, аларның исемнәренә «чура» сүзе тагылган. Тора-бара «чура» кәлимәсе «зыялы» мәгънәне алган. Әйтик, татарның соңгы ике-өч гасырында мәгълүм зыялыларының, атаклы байларының исемнәре Акчура, Байчура, Колчура, Бикчура, Карачура, Янчура, Тинчура булуы табигый. Шулай итеп, атаклы драматургыбыз, әдибебез, режиссерыбыз, актерыбыз нәселенең исеме дә шулай ясалганы көн кебек ачык. Тын чура - Тынчурин, Тенчурин. Иске документларда Мөхәммәт Кәрим Тенчурин, Заһидә Тенчурина дип язылган. Гартәптән латинга, латиннан кириллга күчкәндә ул “Тинчурин”га әверелә.
Бу язма турыдан-туры Заһидә ханымның сөйләгәннәреннән язып алынды. Анда кабатланулар да күп очрар, ләкин мин аларны төшереп калдырмадым, чөнки кабатланса да Заһидә апа кабатлаган саен яңа деталә өсти бара, ачыкланмаган вакыйгаларны ачыклый бара.